Kryeministri i Britanisë së Madhe e uron Biden për fitoren përmes telefonit

21:55 | 10 Nëntor 2020
A. B.

Kryeministri i Britanisë së Madhe Boris Johnson dhe presidenti i zgjedhur i Amerikës Joe Biden kanë zhvilluar një bisedë telefonike, të martën, e cila u raportua se ka zgjatur rreth 20-25 minuta.

Biden e ka telefonuar Johnson para se t’i telefonojë liderët e tjerë europianë.

Johnson më vonë ka postuar në Twitter duke thënë se e ka uruar Biden për zgjedhjen e tij si president i SHBA-së.

“Sapo fola me Joe Biden për ta uruar atë për fitore. Unë pres që ta forcojmë bashkëpunimin mes të dyja vendeve dhe të punoj me të në prioritetet tona të përbashkëta – nga ndryshimet klimatike, në promovimin e demokracisë dhe rikthimin më të mirë pas pandemisë”, ka shkruar ai.

Shpërndaje në rrjete sociale

Lajmet më të lexuara

Të ngjashme

Foto lajm